Kako su naše divojki „čakavske besedi“ celo leto vredno delale, nahajale se, čitale, ćakulale, usporejevale, prišla je doba da i ča meritaju za vas uložen trud. Jedno lepo zapolne uputili smo se va srce Kastavšćini i teple domaće besedi – va Kastav. Va grade ki nudi i skriva su lepotu ovega kraja, odiše z staremi vremeni, regaluje si kolori i dihi svoje duši, upoznali smo se z čuda pričic. Doznale smo zač su kapitana Morellija batili va šternu, ke su bile Ćoška i Maroška, kade biva Malik, kako su va zemju propali Hajdini dvori, i kako su Kastafci bili složni i ne tako šegavi judi pak su kravu poslali na zvonik, sadili sardelice i seli sol, z rukami širil crekav i ča su se delale vještice na Žudike. Obašli smo i najlepču pozornicu ovega primorskega kraja – Crekvinu. Z sakega smo kantuna uživali va vište i puni lepoti zaključili da se rabi vrnut!
Zdenka Cetina, prof